2017年11月12日星期日

一個麻甩去東京:第二天(中)(The Doraemon Exhibition Tokyo 2017)

先介紹一下這個展覽的地點Mori Tower:位於六本木的五十幾層高商業大廈,裡面的租客多數是律師行、iBank及國際企業如Apple及Google。而由於Mori Tower附近是電視台,根據朋友所說,每年Mori Tower都會有段時間放很多很多隻叮噹(即係香港N年前海港城外曾經出現果隻)。

咁,點解我有興趣去睇呢?本人並非叮噹咪,不過是次展覽是找來日本廿八位藝術家,包括村上隆、奈良美智、蜷川實花等等,用他們的方法去創作不同的叮噹藝術品。咁又好彩有朋友幫我買到預售票,依家要去既朋友,就要買現場票喇,1800日元一張(可參考網址)。

展覽館位於Mori Tower五十二樓,其實同一樓層有另一邊是需要付款入場的觀景台,不過參觀叮噹呢個展覽,可以一次過滿足你三個願望。不如睇睇展覽先:
呢本係岩岩呢期Mori Tower刊物,封面就係其中一份展品,免費。
  
入場就記得不要低頭:天花已經吊住不同的叮噹法寶藝術品,燈光打在牆上的影子很有趣。
其實第一幅見到應該係呢幅,不過你好自然被村上隆呢幅吸引著:
將好多叮噹經典畫面放入去,絕對係目不暇給:
  
好,然後另一幅我印象非常深刻係呢幅:
叮噹內暗藏八仙!然後蜷川實花拍下一輯叮噹成為男友的相片:
 
是咪女叮噹迷的終極FF呢?跟住,有呢個形到爆既叮噹變種藝術品:
跟住呢個勁,用上類似牛皮縫製一幅好原始奇幻叮噹藝術品:
 
然後有呢幅,即係有睇開叮噹都知啦下,唔知典解靜宜浴室成日出現架播,但若果有一日變成貢:
我諗大雄應該幾生無可戀。有D,唔知你地接唔接受到:
 
唔知有冇小朋友覺得好驚呢?咁都有非常溫情既:
梅佳代展出一批不同年紀既人與叮噹既照片,好溫馨。至於奈良美智就咁:
 
好係佢既野。我比較喜歡有一Set用上中國水墨畫手法既作品:
 
仲有呢幅,將宇宙小戰爭一幕,靜宜,變成咁:
最後不得不提呢個,我覺得可以成隻囉去化左佢:
場內仲有幾個裝置藝術係非常精彩,其中有一間房用上一架有燈小火車,在黑房當中走過好多用日上家居用品砌成既路軌與及周邊景物,係非常非常之咁精彩好睇(不過不准影相)。好,睇完,你應該逃唔過紀念品呢一劫:
我好彩唔係好迷佢,但我好喜歡村上隆呢幅,所以用左三百日元買左張迷你版Postcard。離開場館,喇,眼前就有個休息好位置,與及,一望無際六本木靚景:
iPhone之嘛,得唔得?真係靚到不得了!再晏少少,就咁:
咪走住播!同一樓層有間Cafe,有期間限定叮噹食品,由於我與朋友一家同行,小朋友真係非常非常喜歡——就算未必咁好食。我地就目擊有位鐵粉一條友叫齊咁多樣,相機食先,但我唔知佢典食得晒:
此甜品係好食既,而且真係非常之咁靚。
呢杯除左個玻璃杯樣樣都食得,有伏,入面既飲料味道實在有點藥水,但真係呃like妙品。
呢杯就好飲喇,而且個綿花糖球係唔會好甜既(雖然我俾小朋友食晒)。重點係,淨係呢杯先有以下呢個杯墊:
係俾你囉走既呵呵!最後介紹呢個漢堡包:

小朋友話幾好食咁囉。順帶一提,若果你一至兩位的話,盡量試下叫店員安排你坐餐廳既窗邊,典解?
五點幾近六點架咋,點睇先?關於仲有乜野食,佢有部份展期下半場先出場,可以參考呢度

展期到下年一月八日,若果大約聖誕前後到東京,相信夜景更靚,咁,我講完,相信好多人早就知,就多人架喇。諗辦法買飛去睇啦!


沒有留言:

發佈留言