離開根津我因為有需要再去ASOKO買買買，所以決定慢慢行過去。由北青山行去原宿，沿途都是住宅、小店或Gallery，很舒服的，特別係穩田商店街，行街精喜歡，散步的喜歡，影相呃like都喜歡。
點解呢？沿途有名店，有歐式建築，又有聖堂——不過要注意喇，若果你同女朋友一齊的話，而你又拖左佢好耐都未結婚，呢一區真係唔好黎，我一邊行一邊發現，聖堂附近好多結婚相關舖頭，嗯，你懂的。
到達原宿，未行到ASOKO見到
時計倉庫TOKIA，我就成日俾我細佬話我唔好好買番隻錶，咁就入左去，咁就一邊睇一邊What's app問佢意見——用途有二：問好唔好睇與及問抵唔抵，佢好勁，真係即刻幫我check番有部份香港買仲抵。結果，我買左呢隻：
牌子見到啦，表示係Made in USA既（我係咪應該信日本人先），其實最重要係錶面大錶帶好睇與及只係一千三百蚊港元左右！
是次旅程最後一頓晚餐，我又試亂入，走左去
新宿立吉，食乜架呢？炸串！六點二十分到達外面坐左好多人諗住都無乜機會，典知查詢一下，佢地問：一個小時後可以嗎？當然得啦！我咪去附近百貨公司行下囉！
入座喇，玩法係咁：餐廳內有四個師傅主理位置，每個師傅招呼十個客人左右，師傅就密密炸逐串遞俾你食，每串180日元，食完計數。咁你會問：食乜？有冇得揀呢？坐低師傅就會問你有乜唔食，然後佢就會在你無預計之下逐串上。
蔬菜免費（不過第一轉之後再俾你既只有菜，但非常新鮮爽脆），第二幅相較遠在餐牌旁係用水裝住既芫茜，原來又係俾客人隨便食架播！我要提醒一下，此店，完全無英文Menu！我比較好運，第一，呢位師傅好努力逐串介紹係乜（雖然好多時都唔係好明），第二，我旁邊坐左對後生本地情侶，男仔英文好好，不時解釋我知食緊乜，仲有，佢話當你話ダメ（Da咩）叫師傅唔好再上俾你，你係可以從menu點番你未食到又想食既炸串。
餐牌，都伙日文啦，每個月會轉。大家見到喇，成set有四十幾串播！咁我食左咩呢？
我又無理由貼晒咁多串出黎架係咪先！首先講番，此店炸串水準好高，炸漿好薄，食材新鮮。師傅每一串都話我知要點邊一款調味料，真係每一串都係驚喜。咁我大約都有記低我食過乜既，我就食左廿八串，有甜薯蓮藕煙肉原條露筍芝士菇銀杏蕃茄小黃茄，海老（有兩款）雞肉豬肉鴨肉牛肉鱚魚魷魚蟹鉗大蔥香腸墨魚青椒咁咁咁。我表示夠皮之時，師傅話該店最高紀錄一個人食左一百七十一串——我呢就好滿足架喇，食，係享受黎既。
再提醒一下，此店，無得訂座，你可以黎登記咁咁咁。我非常推介！
最後一天早上，執好行李未Check out係有地方要去既，目標是郵局，但都要醫肚，所以見到松屋又諗今次好似未食牛肉飯，就入左去喇：
呢碗叫「高級日式橙醋蘿蔔泥牛肉飯」，係牛肉高級，咁呢碗連湯四百三十日元。
做乜去郵局呢？因為我答應兩位姪女買郵票俾佢地，所以就去左六本木郵局，藏身於Tokyo Midtown商業大廈內，我都要問一問人先搵到。
我行埋去，要解釋「Can you show me those special stamps?」咁職員小姐就囉左成本俾我揀喇！睇下我買左乜啦：
我家小朋友就唔想我買玩具，咁我覺得日本郵票又靚又有教育意義，的確係好唔錯既手信選擇播！
Check out後最後一站，到達大手町，商業區黎既，做乜呢？約左Mr. Riceball食飯，旨在聚頭啦，亦要體驗下上班族係食乜：
千幾yen既壽司套餐係非常抵玩的。
然後佢帶我行去嘆露天正咖啡咁！最後番酒店前，走左去東京站：
買左一份重要手信俾自己帶番香港：
日本便當又典可以唔食呢？仲要帶番黎香港先食，咁旅程先完美架嘛！
今次七年後再去東京實在好開心，仲心郁郁想再去添！2018？睇睇點！
沒有留言:
發佈留言