2017年11月11日星期六

一個麻甩去東京:第二天(中)(法國餐館Cogito)

離開築地,徒步往銀座,因為需要幫弟弟到Phiten買東西,日本價錢平香港好多仲要免稅。然後試圖到馳名烤和牛的銀座季樂訂星期六或日的午餐,失敗了,已滿。於是回到六本木,準備跟朋友一家吃午餐。

餐廳叫Cogito,是一家開業十一年的法國餐館,午餐接受帶小朋友用餐(朋友太太表示,日本很多法國菜館都不接受帶小朋友用餐,怕破壞用餐氣氛)。餐廳是一幢獨立的歐洲小屋,有一部份用餐區頭頂是玻璃,活像溫室,餐廳這建築物是非常吸引的,而且位置剛好是大街旁的小巷後,有點難找,但的確在六本木商業區內一個靜中帶旺的用餐好地方。

 
 
環境睇完,餐具認真靚,咁通常呢類高級餐館,食午餐係一定抵好多既:
我選了三道菜套餐,睇睇有乜野食:
Amuse係有三塊分別係牛、豬及鹿風乾肉與及一粒橄欖,味道真係有分別架播!
法包不停提供,不過唔熱,唯一唔夠好既地方。
 
前菜來了:Sauteed Foie gras in truffle sauce,鵝肝微微煎香,浸於松露醬汁,再配上法式雜菌與刁草,每一口都是精彩。
然後有合桃南瓜湯,加上橄欖油,清新鮮甜。
主菜選擇有西班牙烤鯖魚、煙烤羊架、北海道鹿肉或者熊本和牛扒(另加一千日元),我選羊,配上羊奶芝士汁及蔬菜。羊架烤得剛剛好,而且本身羊架肉質高檔,充滿肉汁之餘還嫩滑,是絕對無得彈!
主要想俾大家睇睇,蔬菜都係grilled而且豐富新鮮!
朋友兒子所點的鹿肉,其實淨係睇相都見,有幾令人流口水啦!
 
甜品有三款,我選左呢款係雜果果凍。賣相已經無得頂,靚到唔捨得食。果凍與鮮果混在一起,配上軟滑清甜柚子雪糕,滿分啊!
 
另外兩款甜品係朱古力蛋糕與及焦糖布甸!
 
冰咖啡還附上小甜點,我就將小甜點全數交給小朋友享用,因為我已經非常之咁滿足。

以此三道菜套餐之質素與及餐廳裝修,我覺得4,500日元是很值得的。要提醒一下,餐廳內有一隻黑色好乖既拉布拉多犬,怕狗既朋友要注意喇!

之後就係Doraemon Tokyo Exhibition 2017,下篇慢慢介紹,太值得去!

沒有留言:

發佈留言