台北的展覽：Lino Tagliapietra玻璃之神亞洲展

就係好似一直仲有未介紹，終於望到屋企個Tote Bag，記起喇！是次去台北閒遊之時一如以往去松菸文創，我就當然做定功課知道有無展覽先出發啦，其中有呢一個：琉璃工房主辦，威尼斯玻璃藝術家Lino Tagliapietra亞洲區第一次展覽。

我係非常喜歡玻璃藝術品，所以好多年前都曾經參觀台灣琉園水晶博物館，已經開心到不得了，因為玻璃藝術品變化多端而且永遠有一種清涼感覺。今次係國際大師級，就算要俾入場費，都絕對值得參觀。而我仲介紹當然有原因：展覽展期到明年三月四日。

好，對於好計數既香港人，講解一下，入場費NT$240，差不多六十蚊港紙，展覽之餘仲有其他得著，先介紹一下展覽先：

 

 

 

選幾件介紹一下，此展覽你係可以好近距離欣賞展品，當日係平日下午，基本上得幾個人參觀，可以靜靜地每一件欣賞，外觀與及內面都有不同美態。

另外有播放大師吹製藝術品珍貴片段，Youtube有部份片段，可以讓大家明白，眼前藝術品是如何製成：

展品不少，再貼多一兩張：

 

欣賞完畢就千祈咪走，因為，門票係可以到琉璃工房另一邊咖啡室享用一杯飲品。未講飲品，介紹咖啡室，因為展覽期間不對外開放，只開放予參觀者進入：

 

我選了一杯薄荷茶，仲有兩件餅乾。咁，免費嘆飲品之外，仲有乜呢？

一開始我提到既Tote Bag，是隨票附送，用上大師作品製成，靚到不得了真係唔捨得用！內裡仲有一份印刷精美介紹大師生平與作品既場刊！

所以，閣下若果到台北，又去開松菸，唔好自動波直入誠品，附近琉璃工房呢個展覽，絕對不能錯過！