2017年10月10日星期二

台北食極都有:Buttermilk美式餐廳

今次試過幾間新餐廳,呢一篇主要想向牛魔王朋友推介一下。位於中山北路Amba樓下,原來由我今年三月到依家,已經換上新餐廳,名叫Buttermilk,美式餐廳,主打原木直火烤扒。

選這餐廳其實只是剛好近寫字樓方便來個working lunch,所以,好吃的話實在是bonus。我想介紹的,是他們的「雙人自然牛牛排分享套餐」,NT$2,500。

咪講貴先,不如睇睇有乜野食:首先係呢個開味海陸熟成火腿肝醬拼盤:
逐樣介紹啦:右上角逆時針:奶油雞肝醬,法式鄉村肉批,Salami與及Parma風乾火腿,醃菜,碳烤吐司,泡菜,醃生吞拿魚粒。大堆頭,樣樣好食,最大驚喜係吞拿魚粒,泡菜亦無預計在美式餐廳有如此高質素,當然啦,肉批或者肝醬配熱辣辣加上紅醋醬吐司,點會唔好食先?
這個叫摩洛哥高纖沙律,點解叫摩洛哥唔清楚,但所有蔬菜新鮮而且油醋汁調得好,已經足夠。
好美式既芝士煙肉通心粉(但上檯變左長通粉),值得一提係煙肉乃煙腩條,邪惡到不得了。
 
介紹下佢個名堂先:美國Brandt Natural Ribeye,十六安士,原木烤。一上檯,大份到估唔到,以為好似Grill過籠,又乜醬汁都無提供,點知一切開放入口,啊!真係唔駛任何醬料,單單用海鹽調味,五成熟,香口Juicy到不得了!
仲有甜品!寫英文好喇因為中文繹名太長:Dark Chocolate Ganache Toete, Housemade Vanilla Ice-cream, with Rum salted-caramel,簡單少少,下面係流心黑朱古力蛋糕,配上自家製雲厘那雪糕咁囉,好食囉,唔會膩囉。

以上陣容,呢個價錢,好得。下次應該試下晚餐,與及隔離檯食緊既烤豬扒,香到呢。。。。

沒有留言:

發佈留言