與母親討論新聞

上周五晚，如常回父母家吃飯。當我在飯廳吃飯時，媽媽在客廳看新聞，是Now的。由於我的位置看不到電視，我只聽到她說，這個特首夫人真厲害。

當她過來飯廳，我問她什麼事，她說，特首夫人在罵傳媒，不知幾有氣勢。然後我問：「媽，你知道發生什麼事嗎？」




「媽，是咁的：某一日，特首有個女將兩張佢界手流晒血既相放上網，轉頭又鏟走左播，咁同一日呢，阿特首向傳媒發放幾張一家幾口溫馨合照，想話俾人知佢地屋企好和睦，咁點知，唔夠一日，佢個女接受報紙訪問，話果ｄ相係真既，而果張溫馨合照係佢老豆迫既，佢界手係因為佢阿媽。」

說到這裡，家母的反應竟然是：「乜個衰女咁架。」大抵都是那隻，家醜不出外傳的想法。

「佢個女有乜錯呢？」我問，而我阿媽選擇不作答。

故事未完。飯後，我終於有機會看到特首夫人的訪問。看著途中我跟媽說：「呢個場合佢預左俾人問架啦，肯定有預備。」

「有預備都要講到架，你估咁易咩？」「做洋蔥圈老婆，呢樣基本要求啦。」「不過呢個女人都唔好惹。」

吹水完畢，坐定定看畢整段訪問。嗯，蔡子強，立即找找他寫了什麼令梁太如此大反應。讀畢，嗯，明晒。

於是，又到我跟家母上課的時候：

「媽，成件事係咁：人地寫佢地一家好搬個女出黎扮溫馨，呢頭扮完溫馨，果頭俾個女踢爆，就走出黎話要俾空間個女。咁呢，呢位女士走出黎發晒癲，明顯係轉移視線，因為佢同佢老公呢次衰左。」

家母聽畢，若有所思，然後長嘆一聲。

然後，我打蛇隨棍上，跟媽說：「所以呢，平日睇新聞呀，唔好睇完就當真，要了解多Ｄ。你依家同老豆開始學電腦學上網，遲下就可以睇多Ｄ唔同報紙寫乜啦！」

說到這裡，媽都沒有什麼反駁，我們一路如常交談其他瑣事，直至，我要離開回家去前，媽突然說了一句：「你講野唔好咁激進呀。」

「下？我好激進咩？」

媽又沒有舉例子。

我會繼續向家父家母解讀新聞時事的，因為，雖然他們不是常看TBB新聞，但他們到社區中心學上網，教他們的首兩個網站是，ON.CC與及TVB.COM

我想，這也是曲線地維穩的方法吧，哈哈。