2013年9月18日星期三

不停Encore的Fish Market

十年前,第一次到悉尼(其實到今時今日我都係鍾意叫雪尼,靚好多),當時很多地方都很有印象,當中以Fish Market特別深刻:無他,因為那裡的生蠔刺身海鮮之美味鮮甜與抵食實在令人難以忘懷。所以,今次到達,第二天弟弟就帶我去,第三天我又陪表弟再去。

近年去旅行都有個想法:有得食就食好少少,當然別窮奢極侈。所以,這個Fish Market我今晚寫,或者,離開前,又會再去都未定。



又不是完全講食,因為,一場來到,又若果你好似我咁好彩,旁邊有一碼頭開放,不妨行出去睇睇:

佢地一定要介紹:基本上呢度佢地係主人翁,甚至可以話係陀地。佢地唔怕人,或者我地怕佢地多少少,轉頭你就明。不過,咁近睇佢地又的確靚,當時,都未咁憎佢地。
生蠔,主要係Rock Oyster與及Tasmanian Pacific Oyster,分不同大細有不同價錢,由大約十蚊澳元到廿幾蚊澳元一打,你計計:至貴果隻,廿五蚊,即係HK$180左右,一打喎,大大隻仲鮮甜到爆,香港食唔食到先?佢地會附上檸檬,至於Tabasco,請自備,否則,買都幾貴。
刺身,我當日選了吞拿魚及劍魚腩,切埋俾你;另外細佬選左兩隻Scampi。請留意,若果太遲先到(例如下午),刺身選擇大減,另外,請自備青芥與豉油,筷子都話可以俾你。
 
好食就梗架喇,不如講下:第一日去,十二點左右坐低,死唔信邪坐出露天位置,因為當日之前曾經落雨,所以就算星期日都無乜人坐出面,我地係唯一一檯開餐。坐定,打開食物保鮮紙,旁邊已經一大班海鷗企係度,先有一隻企近檯邊探路,我已經用熱水瓶大力敲打檯面宣示主權,一次,兩次,嚇走左,第三次,有一隻直接唔知由邊度飛落碟刺身,應該未成功食到,但已經夠驚,所以,細佬語重深長話:番入去食啦!
 
室內坐位,多由店舖管理,咁你唔買野食又唔係幾好意思。以上一定不及刺身生蠔好食架喇。



第二次與表弟來到,同樣係咁食蠔,不過買左隻鬼咁大既加菲蟹,差不多一百蚊港紙,鮮甜多肉多膏到爆;帶子刺身,超大粒又甜到乜,廿蚊港紙一粒!

喇,今日我都健在,食左兩打蠔起碼,真係好掛住,諗諗再去都好!

沒有留言:

發佈留言