澳洲的馬拉滋味

悉尼因為有很多不同國家的人，而要生活很多都選擇開餐館，於是，不同的菜館當中能夠繼續留低的，不一定最好吃，但都應該留得住當地食客。

這次去到，有趣的是弟弟嘗試帶我去吃兩次馬拉菜，但都因為即場到了外面都排長龍而不成功；反而後來當地一同學帶我去另一店子吃又成功了，然後某一晚上，弟婦帶我晚一點吃另一間又成功了。兩間都很受歡迎的，而且很不錯的，讓我這個對馬來菜不算很熟悉的來介紹一下。

第一間吃的叫Mamak，China Town那店子座位都排得較密，但午市時到達差不多滿了，我們若果遲多一點點就沒有座位了。我這位韓國太太同學，就是因為覺得這很不錯才帶我來，當然讓她點菜就是了：

這是Roti，最原味那隻印度薄餅。有著兩種不同的醬料：較前的是有豆香的，後面的是較酸辣的。首先薄餅熱辣辣，又充滿油香，外面帶點脆，內裡又很軟身的。兩種醬料都讚，而我較愛後面那種，越吃，越辣，開始標汗。

唔記得名喇，馬來咖喱，是有很重花生醬，蝦米等等那種，主菜是超大隻虎蝦球。辣度又係唔講得笑，不過太香口喇，而且，虎蝦超新鮮彈牙，真係送飯妙品欲罷不能！

這個是咖喱雜菜，沒有很多香料，味道又不一樣！雜菜很新鮮，茄子蕃茄薯仔都好鮮甜，茹素者至愛！

另一晚，跟弟婦帶著小王子去吃的叫Paparich，為了避過排隊的人龍，我們來時差不多九點半，差不多Last Order。店子裝修較Mamak來得精緻，而且完全沒有半點馬來風味：

講到尾都要睇下好唔好食，係咪？

呢款係奶油薄餅，香甜的，唔記得邊種醬料打邊種，跟Mamak唔同風格，都好好食架！

雞肉叻沙，料多到不得之了，除雞肉外有豆泡腐皮茄子魚餅，茄子仲要上過粉略炸。呢個叻沙，椰奶勁香，而且味道調得好好，香港坊間完全唔係佢果皮；份量十足，但太好食，湯都差少少飲晒。

呢個叫特色Biryani rice，配上炸雞與蝦球。先講果個飯：好多香料，正宗而不會味道過濃！蝦球都係大大隻啦，果個炸雞，首先醬料濃香，炸雞啖啖肉，真係唔講得笑地好味！

由於兩個人真係太多食物，每人仲有一杯馬來奶茶，結果，無食到甜品。

呢兩間，根據今次經驗，若果可以訂位的話，咪懶，唔好玩即興，唔係排到你傻。