2013年2月27日星期三

假如金像獎直Dub奧斯卡

有看今年的奧斯卡頒獎禮嗎?我看完,看得很快樂,快樂的並不盡跟頒獎結果有關,而是別人有辦法辦一個幽默具娛樂性,而且又很有水準的頒獎禮。

這夜忽發奇想,假若,香港的,照搬別人今年的來辦,又會是如何呢?你知啦,香港,好低俗架嘛。


首先我非常欣賞Seth MacFarlene:幽默抵死過癮又幾靚仔,今次一人擔正我覺得好好睇,當然,最為人津津樂道,肯定係呢首:
We saw your boobs,最抵死係搵埋好幾位俾佢唱既女星拍埋表情配合。嗯,唔知閣下明唔明首歌唱乜,我就不多作解釋,但我諗,香港,又可以點玩呢?

主找我只諗到兩位:林海峰或者杜汶澤,但又要唱得賤得黎夠高檔,前者不作他人選。問題係:香港各位女明星,肯唔肯咁幽默俾人唱一首咁既歌呢?就算肯,你估唱首咁既歌,再搵埋Gay Men Choir的話,會有幾多人投訴呢?明光社之流肯定插到你爆先囉。

至於表演節目方面,今年Oscar歌頌歌舞劇,呢方面香港真係並不出色,我諗,唔好試喇,香港暫時我諗唔到有一套Les Miserables,仲可以所有主要演員一齊出黎唱。如果有,我只諗到麥兜系列,然後就係,胡楓與芳芳家燕年代既,工廠妹萬歲。

既然如此,睇番Oscar呢段先啦:

有一環節係向007電影系列致敬,香港一樣可以,我地都有拍到入埋健力士既黃飛鴻!咁你有你唱Goldfinger,我一樣可以搵林子祥唱男兒當自強,只要,唔好又拉埋佢老婆同個仔就夠喇。

向已故電影人致敬部份,今年Oscar得到Barbara Streisand唱The Way We Were,感人非常;香港,好似年年都只係識唱明星,有無其他選擇呢其實?
我諗到喇!呢首!
小鳳姐,都夠照啦可。

最後最後最後,頒發最佳影片,破格地與Michelle Obama係White House黎個Live Crossover,有趣有趣!不過呢,香港就千祈唔好學喇:你試諗下,頒大獎,你見到CY,仲要諗起佢既所作所為,同埋有D囉幾十萬一個月既官話自己係中產,你話會唔會全香港人一齊講到嘟嘟嘟呢可?

吹水到此為止,最後想講,香港創意無限,根本無需抄人--不過,可唔可以睇睇人地今年個台,真係Glam到不得了。

P.S.奧斯卡官方網站oscar.go.com入面有好多video睇,不過你一去就話你唔係美國唔俾睇,但,用手提去睇呢,又得架播!

沒有留言:

發佈留言