2012年11月16日星期五

食型格:Greyhound Cafe

是的,我不認識這餐廳,只因為有朋友表示買了六五折的Coupons,於是一班人就到這餐廳聚一聚。我們光顧的是尖咀海港城的Greyhound Cafe,裝修很型格,不知食物又如何呢?

我們一行七人一如以往的亂吃亂叫,結果埋單,打了六五折,也要位位HK$280,你都咪話唔囉命。




這是柚子沙律,這裡的份量都是這樣,不過真的要讚讚:那個醬汁很出色,極清新的青檸味道,而且所有配合得宜,連墊著的菜都極新鮮。

炸菇,首先唔油膩,而且仲好Juicy,配以三種醬汁,好食,不過,真係貴。

據聞係極出名既單骨雞翼,好食,但唔覺有乜特別同埋點解係必點。

呢個炸軟殼蟹沙律點講好呢?係,好新鮮炸得好好,不過咁細隻咁貴,又真係唔係好順氣。

絕不推介的炸魷魚圈,好麻麻。

哈哈,呢個呀,冬蔭功配意大利雲吞,果粒雲吞唔係好意大利,似中國雲吞;冬蔭功味道唔錯,隻蝦大隻仲有膏添,不過呢一兜仔,HK$96。

木瓜沙律,勝在新鮮而已。

呢個夾餅好食!唔係好記得入面有乜野料,但呢個真係好唔錯!

呢個牛腩牛丸河係非非非非常地道泰式味道,令我非非非非非常懷念泰國是但一間Foodcourt都食到咁好味,但價錢,平好多咁囉!

唔記得乜野墨汁意粉,意粉係煮得好好,其他都好出色,料夠新鮮係事實播!

呢個係檬,由於我無食過,我真係唔記得係乜野檬。

呢個又係好妙既菜式:炸排骨,然後用菜包住食?旁邊果D青檸蔥蒜頭辣椒又點呢?

呢個係極搵笨既和牛沙律,點解?果幾粒和牛又唔鬆化又唔好味囉!

粟米蟹肉餅,掂掂掂!

又係另一道好有趣既菜,我上網頁搵到疑似個名叫Complicated Noodle -Noodle sheet + fresh lettuce leaves + minced pork sauce + chili sauce. You need to do a bit of work here but worth every bite。就係咁囉,又幾好食架。

泰式炒飯,仲有碗湯,旁邊果隻係咸蛋,仲有蝦乾,你睇隻蝦幾大隻!

甜品係讚讚讚讚讚!我呢個Mixed Berry Crepe Cake,實在好食得無話可說,唔會死甜,而且軟滑香甜。

咁啦,食完之後我既感想係,行過黎食過甜品係值既!

沒有留言:

發佈留言