2011年12月16日星期五

我的泰初行之法蘭西大餐

去外地我認為,偶爾食得貴係可以,最重要係值唔值。所以,以下介紹呢餐,係泰國黎講,貴;連加一連稅要1,420Bahts,差不多HK$360,不過我可以肯定你睇完之後,會同我一樣覺得,值!

C'est Bon,香港人開既法國餐廳,早前係青衣都有,後來因為租貴全面徹出香港。而一直係泰國都有,仲要係總店,位置就係Inter Continental Hotel背脊。幫襯當晚為星期二七點左右,全店無人,有三位侍應招呼。


亦因為我既幫襯,佢地先開番冷氣與及播放法式音樂,所以一入到去,有陣霉味。

九道菜,慢慢介紹:

吞拿魚刺身配檸檬刁草芥茉醬,賣相一流,稍嫌有筋,但醬汁出色。
香煎鵝肝配野莓汁,下面放上蘋果與及一塊豆煎餅。切完,放入口,無話可說的肥美,配上蘋果,剛好中和當中稍為油膩,極喜歡!
送上麵包條,似薯條,香脆,用來與下一道菜一起吃,絕對是絕配:
皇帝蜆青口配白汁蕃茄忌廉汁,極Creamy,蜆大大隻而且煮得剛剛好,當中還有蒜粒及辣椒,這個醬汁,點麵包條,點會唔好食先?
干邑龍蝦湯,味道並不濃,但每樣Details都隱隱滲出,龍蝦鮮味與干邑配合一絕!
薑味雪芭,雖然我未食過法國菜,電視節目睇得多,此雪芭用作中場休息,清清味蕾準備進入下半場。薑味雪芭很清新,杯邊黏著的乃糖跟海鹽,完全沒有令人失望。

既然中場休息出現五道菜,睇一睇現場環境:



極有情調的歐陸感覺,可惜我一個人食!
蒜香欖油煙肉意粉,份量不多但非常精緻:煙肉不是炸過度的,意粉完全Al Dente,總之,很滋味。
炭燒澳洲羊鞍配露絲瑪莉汁,無錯,的確炭燒,而且肥美,一小件但很滿足!
甜品甜品甜品:軟心朱古力配雲厘拿雲糕,那個軟心朱古力之濃,一放入口已經忘記什麼叫肥;雪糕肯定自製,香滑無比!
最後一杯極香濃咖啡,這頓由頭到尾都一人包場的法國大餐,Perfect!

我不清楚假日是否爆場,但既然一心來到,叫酒店幫你訂位係比較穩陣做法。此店絕對值得一試,香港咁食法,唔知幾錢呢可?

沒有留言:

發佈留言