今次不如先來三餐，因為其實我這幾天有一兩餐重點推介，稍後再寫．
寫字樓跟酒店很近，多得同事介紹，附近原來住了很多日本人，甚至有一間類似骨之島的日式超市．我的首個工作天的午飯就是在那日式超市購買一個質素猶如在日本吃一樣的便當：
那兩塊是炸牛肉薯餅，其餘的有眼見，無論量與製作均十分認真，所以其實幾飽的，因為薯餅底有一些混了沙律醬的麵條，點會唔飽？此便當，價錢是一百六十元泰銖，即四十多元港紙．
泰版白提子味午後之紅茶，只售十五泰銖，後來在附近超市發現十二泰銖已有一枝，不過貨源極度短缺．香港？十二蚊港紙都唔知買唔買到！
去過曼谷的朋友都知道Siam有一喪大商場叫Central World，而此商場當然有餐廳與及Food Court！第二晚到那邊出電話咭之後，到了七樓搵啖食，見到一系列餐廳，走進以下一間：
吃泰菜的，我點的，跟之前吃過的，有點似：
呢杯幾好飲，好似叫Rosedelle Drink，酸酸甜甜，好醒胃！
此店泰式肉碎沙律唔似香港跟菜俾你包，而係有生菜，生豆與及生青瓜伴食，一切都好，但生豆真係唔係好好．
冬蔭功海鮮湯河，料極多，有蝦有魚有魷魚仲有蜆，湯底唔係喪辣而調較得剛剛好，海鮮新鮮．
以上三樣，埋單，唔駛八十蚊港紙！
又某一個中午，趕工過後吃個Late Lunch，公司附近有一間S&P，連鎖來的，像升級版的美心大家樂．我點了個日式蒜蓉炸軟殼蟹飯餐，飲品，另計：
軟殼蟹炸得好食而且多，不過整體偏咸，濃味過頭．
此配菜味道無事，賣相出事．
唔記得係乜野莓汁，當然不是鮮榨，好飲的．
整個餐連飲品要七十幾蚊港紙我就覺得唔值，唔會再去囉．
沒有留言:
發佈留言