三十過後一個人住
2011年8月2日星期二
英超冠軍獎盃展
星期天看了兩個展覽,先介紹這個已經完結的。英超聯官方在亞洲幾個地區攪了展覽,最吸引的當然是英超獎盃隨同而來。香港是其中一站,不過宣傳極少,要不是我唔知點解某朝見有線有個Message發現,又上其網站登記,都完全唔知七月廿九至三十一在海港城天台停車場有這個展覽。
說是宣傳極少,到了海港城要找到亦不容易,問詢問處老點我,再問其他職員知道怎去,上到天台要不是職員提醒老遠有白色的帳幕,好難搵囉!
現場由四個小型吹氣白色帳幕連成,外面有幾個小攤位:一個有線,一個免費飲品試飲,一個英超乜鬼咭,一個車仔。進場時每人會有一條扯極唔斷手帶:
第一部份乃介紹來季廿隊球隊與及英超多年點點歷史,睇下有乜:
係,中文譯名跟晒國內,無晒親切感。以為點解唔俾我地去第二部份,後來先知,原來有位坐,仲有片睇:
內容當然係多年以來英超經典場面啦!剪得幾唔錯,仲好有型添!至於果廿個位,就係來季廿隊波,我就一馬當先坐左我愛隊:
第三部份當然係英超冠軍盃啦!
雖然放於玻璃箱入面,不過都俾你係咁影,直至下一場有人過黎。第四部份就好玩喇,有六個Counters,俾你虛擬揀你愛隊捧一次英超冠軍盃。仲可以用剛才手帶登記,兩日後上網下載果張電腦合成相。今晚剛剛有喇,好高興架!
即我愛果隊當然成日捧啦,之但係有其他朋友既愛隊等極都無,著番件波衫當係自己主場捧一次,都好唔錯架!
整個展覽行半小時行晒,當日星期日下晝都無乜人,可想而知無乜人知,真係幾可惜架!
沒有留言:
發佈留言
較新的文章
較舊的文章
首頁
訂閱:
發佈留言 (Atom)
神不神劇已不重要:《那年盛夏我們綻放如花》
或許因為頭十集我都忙著沒有時間看,然後用了一個周末看畢十集,再跟大家一樣晚晚從App收看足本版。第十四集,看畢那晚,睡不著;大結局,看畢情緒一直處於低壓區,第二天一直聽著幾首劇集有關的歌。 從來喜歡一部電影電視劇或者一首歌都是很個人的口味選擇,技術上的高低當然可以由專業人士點評,...
聽聽內心的聲音:鄧小巧《Inner Voice》
從來第一張唱片都容易帶來驚喜,第二張是更考功夫的。鄧小巧的《The Strength of Weakness》是很有心思有水準的,作為一位我蠻喜歡的本地新生代女聲,樂見他能夠繼續有新作品,而且還是新唱片。 這張《Inner Voice》,主題是溝通,同樣地五首歌都圍繞主題去寫...
淋漓盡致的楊千嬅《火鳥》
由當年那個少女到後來的烈女,我一直聽楊千嬅。對上一張令我聽得拍案叫絕的是金牌告別作 《Unlimited》 ,兜兜轉轉,在人生上踏入另一階段的她,果然為自己推出一張省靚招牌的廣東唱片《火鳥》。 以鳥作主題,歌詞皆從女性角度看愛情看自身,旋律並非有大驚喜,但最最重要的,是她這一次唱...
沒有留言:
發佈留言