算吧啦美國隊長！

其實若果不是朋友有興趣看，我大概未必會看美國隊長，不過剛巧有空，又因為他是那些外國長大看這類漫畫大的人，那麼，又不抗拒看，反正早前看X-Men前傳也看得賞心悅目。

但是，看畢兩小時，我只覺得這電影很好笑，是低能的好笑。

我是沒有看過漫畫的，所以，當那位孱仔未變身前，敵方發現地底力量那一舊類似夏日透心涼亞加力膠的立方體，我已經覺得好笑，然後研發出來的武器之強，一射整件敵人渣都無剩，我開始精神分裂：又話係一九四幾年既？

好，開於男主角被睇中成為科研白老鼠變身，那一幕又是頗兒戲的，不過最有趣的是：變大隻變高然後可以入水能游出水能喪跑與跳，其實最想問就是：咁就可以以一敵百喇咩？

中間加插低能宣傳賣國債可以接受，但我最不能接受是他第一次殺入敵方拿著那個老遠都知道佢係美國派來的美國國旗盾牌，然後走避，嘩，真係喪好笑，超唔Make sense囉！

之後的神奇殺入敵軍場面其實都繼續hae：咁鬼易就入到去，咁鬼易就做低人地果支超級無敵殺人於無形鐳射槍，咁駛鬼講咁多咩？

最重要係，美國隊長除左識掟回力盾，仲有乜野叻？我知！佢最叻溝女！最經典莫過於坐於果架跑車保持高速要撲上大反派果架可能幾十年後先會出現既戰機果陣，竟然可以有時間咀女主角，真係勁！

不過最教壞細路都係：女主角，以貌取人，孱仔未變身之前根本睇佢唔上眼，變正ｄ之後就發晒姣，現實到爆。

兩粒鐘就咁過去，的確要乖乖等待字幕之後的預告，因為下年的續集應該好勁：因為好多個乜俠物俠隊長Ironman會一齊出現，黎番現代，照估，應該會似番少少X-Men果個款。
希望係。