2011年6月23日星期四

到此一遊真不錯

上回談了人渣,今回談好吃的吧!朋友希望在尖咀開餐,我想來想去,決定找找信用咭有什麼推介。朋友說最近吃得太多西餐,所以只是不吃西餐,終於工作忙碌之下選了諾士佛臺的一遊,吃日本菜。

一到這店,那股串燒香就撲鼻!店子像日式小店,燈光較暗,座位之間的空間都夠,還不錯的。


拿著信用咭的二人餐推介,不用多想就點這個了:
這個前菜用蕃茄醃生八爪魚,吃起來倒像泰國菜,很開胃!墊在底下透明的東東很有趣,吃起來很清新,咬下去爽之餘又有點煙韌,我懷疑是類似蒟蒻的東西。
這個一遊沙律,醬汁像清新版的Ceasar Salad,當中沒有雞肉,除了菜之外有粉丸(珍珠奶茶內必有的)與及日本年糕,整件事很怪,不是不好吃,但單點就不必了。
刺身三點,驚喜!首先,此店主打不是刺身,對刺身沒有大期望,竟然這個的三文魚與油甘魚都是喜出望外的好吃。



六件壽司更加出色!朋友先吃了那件帶子加海膽,吃完之後她說:「有得叫你不如叫一個,真係一入口就覺得好食!」我先吃了蝦壽司,都是水準以上的,另外那件油甘魚,我連青檸片一起吃,嘩,呢種清新與及油甘的油,真係不得了!反而吞拿魚就合格啦!再次讚一讚,呢個壽司真係不得了!
串燒只有兩款:免治雞棒與牛舌,前者熱辣辣一咬入口,就知道並非等閒貨,好Juicy!牛舌燒得好香,好大塊,不過有少少韌。
</

麵豉湯,只係簡單豆腐與蔥花,無乜特別,唔係沖果隻啦,好飲既。

以上加埋最後先介紹既甜品,三百八十,加一就計原價(七百六十),以質素黎講,可以。

不過,呢間野比較小家,無免費茶,每壺收你廿幾蚊,咁我地叫野飲啦,我就係呢杯蜜桃梳打,都係預左果種味道,唯一讚既就係桃砌得細細粒,好方便吸。不過有一樣野一定要點:就係呢度既蛋卷,唔食你就笨!

首先充滿蛋汁,另外調味好好,食到甜甜地,加埋蘿蔔蓉,好好好好食!四十蚊,值架!我唔會建議叫其他加料,因為原味真係好好食!
套餐甜品唔講得笑!鮮芒果汁豆腐花,首先豆腐花味道好又有質感,本身都甜甜地,所以加埋芒果汁,一絕架!

結果呢餐埋單五百六,我與朋友都覺得值得再黎,真係水準不錯。

沒有留言:

發佈留言