2010年12月16日星期四

轉運套餐四萬八

有讀過昨日蘋果頭版嗎?賤男騙七十女上床。我讀畢整篇之後,都不明白為何要放頭版。以本人多年讀報經驗,放頭版者,一是舉世關注,一是獨家新聞,再不是就有警世作用,又或者值得表揚的新聞。

這名被冠以賤男的肥仔,賤,相信沒有人反對,但是他賤在哪裡,又有沒有想過呢?


大家有沒有留意,那名很正義的少女,十五歲,為什麼會跟這名賤男上床梅開四度呢?對!就是因為賤男需要跟女性開四次波改運。十五歲的她當然不會因為出於好心,因為想幫倒霉的人來個慾海慈航獻身,全因賤男有買有賣,出價四萬八。

於是,少女願意接受這個改運套餐,只係四萬八,包扑四鑊唔包可樂。

少女可能入世未深,以為出黎行講個信字,又無做生意經驗,無收上期又無簽約,一心相信服務承諾顧客永遠是對的,結果,賤男趙完不付款,少女覺得不忿氣。

其實,賤男大可以話:「咦?我仲係行衰運播,即係你呢個套餐唔Work啦!唔Work的話我未行好運邊有錢俾你呀!好似仲衰運過之前,你賠番錢俾我就差唔多!」

咦又係播!之前又無講清楚係咪一定有錢俾,我了解就要改左運先磅水,你以為扑完就有錢收,咁,你咪即係雞?

好,少女都不是弱者,雖然在法理上口頭協議唔清唔楚佢未必可以追討欠薪(Ai,唔好用肉金呢個Term!),不過呢個世界要追數有好多方法。於是,人多勢眾,夾你磅水不成,就爆你大鑊,再報警。

其實報警已經夠,因為賤男錯就錯在連未夠秤都唔放過,所以肯定衰十一無走雞,不過少女又點解要爆俾報紙聽呢?

不妨睇睇少女好友以下一段說話:「一直協助阿思的朋友阿賢表示,肥仔提出性交前,肯定知道阿思未滿15歲,但照樣作出誘騙,明知故犯。阿思不忿受騙」『誘騙』呢個Term用得非常有趣,呢位少女都知自己未滿十五歲,但好明顯覺得同男人有性行為不以為然,只要有錢就可以,所以,我絕對相信她不忿受騙。

又看另一段節錄:「
阿思向本報說,事發後情緒大受影響,想過自殺。「又嬲又唔開心」,「我覺得阿迪好衰,咁樣對啲女仔」。她指阿迪最初甜言蜜語,哄她做愛助他轉運,又稱不自覺是援交。」

好衰,咁樣對D女仔,佢點衰呢?另外,甜言蜜語就哄到你上床,咁其實無四萬八你都應該俾人哄到架播,可?

咁唔係援交係乜?你當我戇交?

說到這裡,個人絕對覺得這是一宗『叫雞唔俾錢』案件,放在頭版絕對爆笑:警世?各位女士若果不是見錢開乜的話,如此一件賤男又怎可以食過番尋味?整件事最終只有帶出兩個訊息:

一.要幫人開運收錢的話,請簽妥合約,列明在什麼情況之下要俾錢,未履行合約前要俾基本消費。

二.想靠哄騙食免費餐既朋友,唔好攪未成年少女。

咦?若果蘋果真係想帶出以上兩點,真係估佢唔到囉。

沒有留言:

發佈留言