2010年11月30日星期二

食在太古(7)之Fusion

開始發現本人在太古食來食去都有習性,所以有時都有點悶,直至十月中百佳在大昌行中心地下開了這間擺到明搶Apita生意的Fusion,我多了些選擇。

為何說Fusion追住Apita黎打?因為相比Apita,太古坊等一眾OL打工仔唔駛行咁遠就買到各國美食與及較高檔次的零食,就連壽司刺身一樣有,為一眾唔想行既朋友仔的確係不錯選擇。


既然講到壽司刺身,我的確試過Fusion的壽司刺身與及魚生飯。價錢並不特別便宜,但論質素,我肯定Apita比Fusion好食,所以,若果想食,我都會行去Apita,反正對我來說,並不覺得遠。
以下是其中一個吞拿魚生飯:


普普通通而已,量是足夠的。

最得我歡心的反而是另一檔好多洋人幫襯的食店,此店第一樣吸引我既係牛肉Lasanga!廿八蚊,即時加茄醬幫你翻熱,水準不賴,係我非常喜愛食品之一。哈,竟然食咁多次都無影到呢樣。

另外,好多三文治,洋人大大份果隻,亦可以選擇幫你翻熱,一個大男人肯定夠飽!



燒牛肉三文治,勁好食!其他仲有英式牛肉餡角,菠菜蛋批,黎巴嫩肉卷,你開始明白,點解咁多洋人愛上佢。

不過主因,並非呢個,而係自選沙律。你可以選羅馬生菜與及另一種係Mix既菜,然後選配料,再選提子干/脆麵包粒/果仁,再加醬汁,四款配料就五十八蚊,多幾款都仲得。我就好愛呢樣野,不如睇我食過乜:



我一定要Dried Tomatoes,另外就係Olive,之後有幾款常食:Anchovies,燒牛肉,煙肉粒,Crayfish。醬汁多數都係油醋,你可能會問:夠唔夠飽架呢?

其實夠,不過我多數會加多十二蚊要多個湯,因為呢檔既湯,一絕!西湯為主,非常足料,我飲過意大利菜湯,墨西哥雜豆牛肉湯,周打蜆湯,蒜蓉薯仔湯等等。每日都有兩款,包你喜歡!



咁肯定夠飽,仲相對地少食澱粉質,所以一星期我都會咁食一次架!

講到咁喜愛,係,我相信我一星期光顧兩次,一次係Lasanga一次係沙律,故此係果度撞到我既機會都唔細。附近工作既朋友有興趣去試試!

沒有留言:

發佈留言