喪食東京遊之刺身壽司（中）

迴轉壽司，香港食的話大家期望不會高，到日本，你自然期望是是但但一間都贏香港大部份食店成條街。是次旅程食過兩間，不如又睇睇得唔得？

兩間呢，一間係早就想去食，一間係行過想食入左去，先介紹偶遇果一間先，位於橫濱Queen Square入面的三浦三崎港。

首先，位於一間商場入面既迴轉壽司，期望真係無咁大，而價錢其實又唔過份，咁我食左乜呢？

有眼睇，部份賣相真係普通，味道以日本水準來講亦是普通，不過係日本食兩餐迴轉，我就首次寫日文喇－－因為想食乜，有時不能只等佢轉出黎，咁，就看圖識字，寫囉！不過，此店又唔係無野值得讚播，就係呢樣喇：

睇住新鮮熱辣一大盤出爐的蛋卷，忍唔住叫左件，呵！好食到，唔知典講好呀！

不如介紹另一間：活魚大江戶，廿四小時營業！呢間話說係，我第一晚食完一蘭然後，興之所致，直落！

點解要講你地知？因為半飽之下去食迴轉壽司，唔好食就走架喇！結果係點呢？

無花無假，以上，我食晒！除左最後呢件叫錯唔係好愛秋葵之外，其餘，真係好食到香港所有迴轉壽司行埋一邊！驚唔識叫咩？放心，有英文Menu，有晒公仔架．．．所有大路壽司。

另外呢，我幫襯呢間池袋店好近一蘭，最後一日發現東武樓上都有，肯定坐得舒服好多，價錢亦唔會有好大差別。

廿四小時營業，你話佢同一蘭，真係若果附近有佢地，你想唔肥都幾難！