2010年7月24日星期六

喪食東京遊之刺身壽司(下)

放在最後總有其原因!是次介紹兩間都有點歷史的店子,能夠迄立不倒總有其原因吧!但肯定的是:你番黎香港,想食壽司之時,的確要諗一諗。

先介紹呢間,創業自明治四十三年的壽司初總本店位於淺草,裝修簡單而有風味,最重要當然食物,咁,睇睇喇:



呢個雜錦魚生飯,並不算貴,材料新鮮大片,不過唔特別高貴,海膽沒有,而且飯好多,我就並食唔出呢間老店特色,唯一特色係:洗手間舖滿石卵,小心滑倒;同時,佢地係咁樣上生啤既:


溫度都保持夠凍既。

另一間,真係一吃難忘抵到無野好講,美登利!光顧既係涉谷店,午市都唔少人等,不過等左唔駛二十分鐘就有得食喇!





我食呢個至右手邊二千一Yen既壽司定食,不如睇下實物如何:



未上正場之前,有麵豉湯茶碗蒸與及蟹膏沙律,前者無乜特別,後者,呵呵呵,掂!

準備好未?


相,無執過,所以,你見到乜,就係咁靚,而且好鮮,壽司好正宗,扇型,飯唔會太大件。以上食晒,的確好飽好滿足。

唔好問我邊樣好食,我會話你知樣樣都得,仲有,我當時諗:雖然築地壽司大好正,但,若果唔駛我咁早起身等咁耐,我食美登利已經好開心架喇!

最後一篇會係今次大食遊本人覺得至高潮果餐,等等啦各位。

沒有留言:

發佈留言