喪食東京遊之買買買（上）

終於回歸！是次六天東京海陸空遊的確是食買玩盡興而返，首先再次感謝島主同遊與及之前做的資料搜集，同時感謝朋友借出Netbook讓我直擊報導，更要多謝果位寫日本人的款待。

對於島主用『狼』來形容我們今次喪食的行為，我只能夠講不能同意更多，但未寫食之前，我都想寫寫今次唔買唔買買一堆東東回來，上半場寫一堆唔食得：

 一直都知日本女性雜誌送的贈品很狠很正，估不到今次發現男仕也有收獲：這本雜誌千三yen送一個袋：

贈品質素都好唔錯，而且仲有條長既斜揹帶，兩用，質料都幾好。

電話繩乃本人到日本必買送禮佳品，以上幾條就是今次收獲。

淺草寺購入送給媽媽的。
唱片，點會唔買？以下四隻係是次收獲：

呢隻係用黎答謝朋友，因為知道佢應該會喜歡呢種音樂，當然係試聽過先啦！ 

Sotte Bosse由上次去沖繩認識佢地音樂都好喜歡，見呢隻新碟即買，保持風格，但都係以前好聽。 

好似係日本新人，呢隻係我於池袋Tower Records試聽全碟超級喜歡，非常去旅行感覺，所以Tower Records無貨，到HMV見到即買。 

每次總會試下買隻特價碟番黎，今次係呢隻，見碟名係Jazz買黎聽，結果有點瀕野，實驗性質太強。
估唔到，日本Uniqlo有唔少香港”我唔見”又平既好野： 

呢條俾小姪女既短裙仔，七百幾Yen，超高興。

呢頂雙面帽，三百九十Yen，岩晒細佬。

呢個係Best Buy！仿皮袋，1290Yen，另外有紫色！

當然唔係Uniqlo買啦！送禮的，哈！

東京藝術館購入，幾名著名音樂家既有趣畫像Postcard，105Yen一張。
好，是次最興奮之三件買物：

之前介紹我地去一間專做食物模型舖頭既？價錢真係唔平但極似，我都忍唔住，買左以上兩件，四千五Yen架！

買得果兩件，係橫濱紅倉庫Salut!發現呢個飾物盒，平！1050Yen，即買！你睇，加埋其他東東入伙之後，係咪好靚呢！

下集寫食得同藥品收獲。