阿力整餅2010

一年一度又有機會經公司安排學整餅，之前兩年成績係循序漸進地進步，想知之前兩年整成點，自己搵番黎睇。今年所製蛋糕我聽都未聽過：黑白配，正解是：芝麻豆腐慕絲綠茶蛋糕，健康系列是也。

健康的確是幾健康的，因為未試過整個餅用咁少牛油咁少糖，而且品嚐過老師製成品，的確是清新可口。那麼今次我的成果如何呢？

蛋白加糖打起，基本野啦！ 

蛋黃加綠茶粉再加蛋白再加牛油，攪勻，成果老師話不俗喎。

以上囉左去焗綠茶綿蛋糕，鏡頭一轉，老師整吉士醬俾大家，係咁攪係咁攪。

吉士醬＋日本芝麻醬＋忌廉再加魚膠粉水，芝麻慕絲完成！

蛋糕焗起！唔錯唔錯，唔會太乾！

蛋糕一分為二，倒入芝麻慕絲，放入雪櫃雪凍。

百福豆腐花加忌廉攬勻再加魚膠粉水，咁就完成豆腐慕絲喇！

將豆腐慕絲倒落剛才雪好蛋糕，再放入雪櫃雪凍。

哈！完成！以上當然係我為姪女製作既蛋糕啦！屋企人話好好食喎！我就未食喇，聽日先啦！