2016年12月18日星期日

台北又食乜:烤肉與串燒

先旨聲明,去過南韓,實在對於該處烤肉感到驚為天人,韓牛好食不在話下,而且價錢勁抵玩。咁,台北我印象中並無烤過好多次,今次當地同事帶我去食,當然有信心啦!其實此店名字實在常聽到,有些香港朋友到台北是一定要食的,但我又真係無機會食過。

於是,某個晚上,我跟當地同事到中山站附近的乾杯,食得很快樂,不是因為同事請,而是水準實在很不錯價錢亦很合理。


首先餐廳無論員工裝修都走休閒年輕路線,你睇佢本餐牌:
食物選擇唔算多但亦無古靈精怪之選擇,當然是炭烤,而最欣賞係呢個,檸檬汁作調味料,正中本人口味:
我都唔記得食左幾多野有冇全部都影左相,但好食質素高是一定記得,仲有呢度既Highball好好飲又唔貴播!我應該飲左兩杯咁啦!



基本上牛羊豬都好得,仲要切得薄一薄好好燒,不過到差唔多要交檯,佢就會走黎「幫你燒」等你食快少少,咁,明既。另外若果你想搵著數,得!兩個人咀十秒就有一碟唔記得係乜野肉(好似係豬)。

好,我又要介紹串燒店。位於酒店附近長安東路一段,有一間個名實在好很正既舖頭:柒串燒屋。(若果有朋友解我知點解用呢個名就好喇)。
我唔介意柒因為抵食又好味,所以點左,店家亦表示因為客人多要等。等唔緊要最重要等得值。




牛肉羊肉無得輸,雞腸係好食到嘩嘩聲,雞皮雞腎就唔駛講啦,蔥肉串包住三旦蔥咬落去噴汁又嫩,仲要咁食法連埋啤酒,都係舊幾港紙!所以你話,柒下有乜所謂!

沒有留言:

發佈留言