2016年4月4日星期一

紐約的日與夜:酒店

出差,酒店當然是根據公司名單內可選的去選。不過紐約的酒店大都沒有早餐提供,而且,還沒有牙膏牙刷提供。去過的同事還跟我說,通常沒有拖鞋,而且無樽裝水或電水煲供應。

雖然有說紐約的水喉水是可以飲用的,不過都要明白,腸胃是否適應又是另一回事。所以,同事都叫我落機前先拿多一瓶水,因為紐約的天氣,實在乾燥得可怕。還有還有,同事提我記得千祈千祈千祈唔好俾職員幫手拿行李,否則他們是期望你俾貼士的。




我選了一家名叫Viceroy Central Park的酒店,位置都是在Central Park附近,所以,唔慌平。不過選這家的原因,因為看來是家Boutique Hotel,不會老氣橫秋。晚上十一點半後到達飯店門口,有職員確定我是準備入住就立即想幫忙拿行李,我表示不用,他也好像明白我的意思,說:「至少都等我幫你拿到接待處吧。」嗯,明白我不會付貼士給他們的也這樣做也好。

住在十幾樓,沒有什麼View因為對著另一酒店的房間。但房間是很不錯的:

床很大,除了床頭燈之外,衣櫃下也有夾萬。



洗手間夠用,跟整間房的設計相近,那幾支沐浴露洗頭水均是不錯的質素。
另一邊衣櫃打開不是衣櫃,而是上層是雪櫃,當然不會免費任你飲啦,不過,除左每日有樽裝水之外,還有驚喜:
此illy 咖啡機是免費飲用的,質素應該好過Nespresso卦。
電視是三叔的smart tv,幾十個台睇,日本法國強國澳洲衛星台都有,咁本人實在對美國電視節目興趣不大,不過有一晚開著一個叫Showtime既電視台,竟然係一對男女拍激情動作片,乜都睇晒,以為係乜節目,原來個節目係叫Gigolos,唔駛多解釋,不過無諗過咁勁,果陣,十一點咋播。

但原來有D仲勁:話說酒店房有一大堆Snacks,當然逐樣要俾錢啦!裡面除左放左一盒包到好靚以為送俾我點既蠟燭之外(後來問左,要US$15一粒),另外有一罐野:
咁Lover's Intimacy Kit入面又有乜野呢?
好,你會問:酒店咁周到送架?鑑於我無需要使用,我係無問過係咪送又或者幾錢一罐,但你見啦,內容幾咁充實周到,住客實在應該大讚。根據此產品網站所示,每罐要US$25,咁,急起上黎,錢都唔係問題呀可。

最後要提就係酒店有提供好靚全棉浴袍(當然唔可以囉走啦)與及拖鞋,相比起旁邊另一間老牌但更貴既,無拖鞋無水提供,呢間就非常唔錯喇,BTW,一晚要US$269,咁若果自己旅行係咪要住呢個檔次就閣係決定喇。

沒有留言:

發佈留言