2015年11月17日星期二

又食台北:Omakase(下)微風建一食堂

微風建一食堂這店是師兄多次提及叫我一定要去試的!於是某晚恃住一個人亂入,結果失敗了!小店位置不多,但他們也再次提點,最好致電訂位。所以,訂了翌日午餐,反正午餐一樣有Omakase。

訂了十二點,準時到達,門口已有人訂了的在等。我選了一個價值NT$1,500的Omakase,即港紙四舊唔駛,結果,我一直食不斷向香港朋友曬命,而師兄其實叫我,最好唔好介紹,唔係之後好難訂位。傻啦,我邊有咁多人睇。



門面絕不起眼隨時行過都唔知。

店子地方不大,但很有日本小店的感覺。

首先上場,明太子雞翼!明太子釀得多到離晒譜,咬入去食極都有,而且外面煎得香脆,絕對打響頭炮!


刺身與生蠔一舖上晒!都好新鮮,當然,比起旬採自然差少少,但絕對好好味!
此茶蒸碗內裡有舞茸菇,蟹鉗,鰻魚,雞肉,豐富而且滑溜。
原條烤魚!唔好問我乜魚啦你都知我無乜研究,向來被老媽子話我只食刺身壽司其他魚望都唔望一眼,面對呢條魚,真係烤得好香,加上青柑汁,更好味!我,真係成條食晒咁滯:
 
之後呢個係炒雜菜:
然後,呢個真係離晒大譜:

烤蟹腳!嘩多肉到你唔信,一邊食一邊大讚鮮味,特別當你想起價錢咁抵,真係覺得特別好味!
呢碗飯豐富喇!內有整隻帶子,好多鮮拆蟹肉,三文魚子,左口魚邊。本身有醬油,撈勻食,真係人都癩!
呢碗清湯,重點應該係呢粒勁大既干貝花枝丸!
食埋甜品,呢個午餐真係又抵食又好味!若果有機會三五知己訂個位來食,會係一個唔錯既選擇!

沒有留言:

發佈留言