2015年9月24日星期四

這是阿根廷扒房:Gaucho

有時有些餐廳就算我食得起我都未必選擇光顧,可能因為我孤寒,但同時我覺得,或者我有機會吃到的,當有人請我去的時候。媽媽一直都說我條命幾有口福,今次就有工作上的朋友約我去Gaucho。

位於中環LHT Tower的
Gaucho,來自倫敦,是一間獲獎的阿根廷扒房。早知要到這餐應廳,對阿根廷菜毫無認識,我一如以往上其網站看看有沒有Lunch Menu,了解有什麼可吃,以免到時口啞啞。


餐廳裝修走時尚路線,即是明珠生活應該或者已經已介紹那類餐廳。看這照片,你就明白了。
首先麵包在我們點餐之後送上,那片放在石塊上的牛油味道不錯,而旁邊那三款東東,有海鹽,有油醋,還有一款我忘記了。麵包好香而微熱鬆軟,印象不錯。
我跟朋友都選了3 Courses,HK$270再加一。先看我選的這個Cold Starter,名叫Seabass Tiraditos:
其實入面有乜呢?有鱸魚,三文魚籽,松露油與柚子。我是吃到柚子與松露香的,不過不知是不是走點Fusion路線,加了日式醬油,其實,幾咸。
這是Hot Starter,叫Chorizo Sausage,是阿根廷的牛肉腸,幾好食的,咸香平衡不錯,而且很充實,不過真係Starter份量,明啦。
圖上係朋友既Hot Starter,Braised Beef Back Ribs,又係Fusion野,加入中式海鮮汁,不過我試過一件,呢個味道獨特出色。
既然知佢扒出名,我既主菜當然選扒啦!Churrasco De Ancho,有200g重,炭烤,配上煙薰蒜荷蘭汁與及炭烤甜薯。首先講件扒,果然係出名既扒房,扒本身質素好高,我點Medium Rare雖然佢有少少Overcooked,但一切一放入口,果種鬆化與及濃濃牛味爆出,而且差點入口即化,完全無筋,略帶肥,真係好Impressed!本以為整餐唔夠飽,但完成呢個主菜,與及非常香甜既甜薯,整件事,剛剛好!

我明白中環黎講呢個價錢唔算最高檔,不過若果愛食扒既朋友,呢間的確係唔錯既選擇。

沒有留言:

發佈留言