寶記別傳：西歌推介之周慧敏

我知，周慧敏乃很多朋友的女神，不過又其實，當中很多朋友都心知，女神，唱歌一般，醉翁之意不在酒，只因為她是女神，所以，她唱乜，你就得。

雖然周慧敏貴為玉女掌門人，但當年寶記一視同仁，西歌又點少得佢一份？況且，未過寶記之前，周小姐出過兩隻碟都有好多出色西歌，而周小姐有一大特色，就係派台歌，多西歌。

原本先要介紹大家熟到爆既，但實在忍唔住，先黎呢首：當年呢隻碟好聽，但去到呢隻歌，實在係唔知佢想點，多謝，林敏驄，送黎呢首阿馬遜河！

我地黎一次瞬間看地球，由阿馬遜河回到我國國土，呢首電視劇主題曲，可算係九唔搭八地希望成為廣東話世界的北京一夜，不過唔好意思，實在唔知想點：獨白，京劇，中西樂炒埋一碟，難為當年仲晚晚播：紅顏知己：

好似呢，當年呢，個個寶記女歌手都要整首A-Go-Go，周小姐就得到呢首，節奏有佢強勁，佢有佢無乜Groove地唱，宅男們當然最鍾意聽到佢唱Hey Hey Hey，係囉

唔夠西？呢隻，肯定西到不得了！最後一張大碟，周耀輝大師為呢首印度味歌曲填左首勁詞，古老病態，其實你唔係好聽到佢唱乜：我最正派最怕過界／我吃素菜最怕見血／我愛看報會說國語，嗯。寫乜呢可？

咁，當然東洋味濃改編歌一定有啦！呢首或者你未聽過，幾得意架，輕鬆節奏但唱緊慘野，所以歌名都好精神分裂：悲哀搖擺：
試聽：http://mymedia.yam.com/m/2676584

周小姐既歌好玩之處就係，你知佢好努力唱好投入，但就係覺得好笑，呢首私奔，你聽佢既Ad Lib，真係最大既娛樂！

咁數到西歌，又真係或者你唔知，原來當年咁大整古，佢，都要做Sailor Moon：

你地係咪個個都跪下呢？至於自作多情、自動自覺、要你喜歡我呢幾首，咁Hit，駛唔駛介紹呢？咁我貼番當年最hit既俾大家回味下啦：

當年，有迷戀佢既同學，係識跳呢隻舞既。嗯。

最後送番首未去寶記前既西歌之霸：

聽到瀰漫狂雨直射，真係。。其實呢個「歪」字唔係咁讀囉。