2014年2月6日星期四

初一食餐好之The Salted Pig

年初一完成跟家人四出拜年的指定動作後,一個轉身就由石排灣殺出尖沙咀,跟幾個朋友來個新春飯局。又是朋友們說不如你想飯局地點,於是想到諾士佛台,看見The Salted Pig,價錢與賣相都不錯,就選這間。

當然,我應該說是有點運氣,選了間年初一還開而且在尖咀有巡遊又訂到位的餐廳。不過我們吃了整頓飯,餐廳都還未坐滿,但這餐廳絕對值得推介。


我是很喜歡這餐廳的裝修以至餐牌設計,英式農場風,而且豬影處處:




另一驚喜就是,大年初一,竟然還有Happy Hour!部份啤酒有七五折,不過我喝了他們介紹的德國啤酒,很不一樣:
四個人你覺得可以食幾多?先來這個,The Butcher's Block:
有風乾火腿啦,豬肉批啦,Scotch Egg啦,煙肉啦,啤酒醃製洋蔥醬與及麵包,每樣都自家製,每樣我都有食過,此頭盤打響頭炮,要咸香有咸香,煙肉炮製得剛剛好不會過乾身,那個塗麵包醬又惹味,好好食!
呢個係乜?Spiced Pork Belly Scratching's,據我了解,應該係將豬腩脂肪刮成條醃完再炸,所有油份炸出只有脆,配上芥末與香料鹽,得果幾條好唔夠喉,送酒一流!

呢個烤豬手可算我係香港食過至好食!首先烤得香口,而且剛剛好,豬皮帶肥請你完全忘記什麼是脂肪,一放入口你就上癮,因為調味做得好好!若果配上特製芥末籽忌廉汁,又另一種美味!完全係停不了口的正斗!


以上呢一大盆係非常唔駛用腦樣樣有得食既The taster:有bbq ribs, harissa pork shanks, fried chicken, smokey pork belly & apple sauce, mac & cheese, chicken salt fries。首先呢個Mac & Cheese,在場兩位外國大既朋友話,做得非常正宗好食,芝士香濃而不膩!我最愛係用玻璃樽裝住既Smokey pork belly & Apple sauce,呢個配搭將煙豬腩肥膩度大減而且變得清新;仲有,bbq ribs又係just made,依然嫩口醬不過濃,炸雞炸漿調味香料足而且夠薄,出色!呢個薯條並不普通,香脆之餘加上雞味鹽粒,好難停手!

四位埋單(應該有五杯啤酒)一千三百幾,真係唔貴,你仲要諗係尖咀,年初一喎!呢間咸豬店,一定要再去!

沒有留言:

發佈留言