三十過後一個人住
2013年12月13日星期五
抵食又正宗:金銀泰國美食
剛剛食過,好飽,好抵食!事緣今晚之前,曾經在此店食過午餐,無論價錢與水準都令人念念不忘的好,早前試過想去吃晚餐,但又遇上該店放長假,今晚,有舊同事在港大上課後,我又未吃晚餐,於是,十點半,殺落去,搏一搏。
估不到店仍有很多客人,而我們剛巧又有位,於是,一男一女食左以下既,實在好變態:
馬拉盞炒通菜,首先,份量多,不油膩,而且不會過濃的蝦醬及馬拉盞味,上檯整碟砌得好靚仔(以上已被好肚餓的人整散),先來這碟,感覺良好。
生菜包,生菜係新鮮爽脆,肉碎辣度適中不油膩,帶微微青檸味,非常可人。
呢個係細既冬蔭功,用料十足,而且有充滿蝦膏既大頭蝦兩隻,湯酸辣度剛剛好,份量不少!
此海鮮粉絲沙律真係大讚!首先魷魚蝦仁青口量多而新鮮爽口,沙律不會過濕,味道開胃而不會過濃過搶,出色!
此乃掙扎叫呢個避風塘軟殼蟹定係咖喱軟殼蟹,但因為認為後者唔送飯對唔住自己而我地又叫咁多野,所以點呢個。可以話未夠香口但都好食,下次,點都會叫咖喱果個!
話說食到呢度都好飽,不過有人發現隔離檯有個甜品,於是,女性有另一個胃食甜品,就點以下呢個泰式椰汁千層糕:
當我唔明點解要等,一上檯就明喇!完來係蒸熱千層糕再加上椰奶,千層糕清甜加椰奶真係好掂,第一次食,下次一定要點!
咁,咁食法幾錢呢?估你都唔信:
係,唔駛加一。
夜市做到一點,星期六上晝唔開,係咁,我應該會常去,咁鬼近!
沒有留言:
發佈留言
較新的文章
較舊的文章
首頁
訂閱:
發佈留言 (Atom)
神不神劇已不重要:《那年盛夏我們綻放如花》
或許因為頭十集我都忙著沒有時間看,然後用了一個周末看畢十集,再跟大家一樣晚晚從App收看足本版。第十四集,看畢那晚,睡不著;大結局,看畢情緒一直處於低壓區,第二天一直聽著幾首劇集有關的歌。 從來喜歡一部電影電視劇或者一首歌都是很個人的口味選擇,技術上的高低當然可以由專業人士點評,...
聽聽內心的聲音:鄧小巧《Inner Voice》
從來第一張唱片都容易帶來驚喜,第二張是更考功夫的。鄧小巧的《The Strength of Weakness》是很有心思有水準的,作為一位我蠻喜歡的本地新生代女聲,樂見他能夠繼續有新作品,而且還是新唱片。 這張《Inner Voice》,主題是溝通,同樣地五首歌都圍繞主題去寫...
淋漓盡致的楊千嬅《火鳥》
由當年那個少女到後來的烈女,我一直聽楊千嬅。對上一張令我聽得拍案叫絕的是金牌告別作 《Unlimited》 ,兜兜轉轉,在人生上踏入另一階段的她,果然為自己推出一張省靚招牌的廣東唱片《火鳥》。 以鳥作主題,歌詞皆從女性角度看愛情看自身,旋律並非有大驚喜,但最最重要的,是她這一次唱...
沒有留言:
發佈留言