韓燒，在香港吃，食到飽果隻你不能要求好質素好服務，好食果隻想食到飽肯定唔慌平。是次去Sydney，韓國太太帶我四處遊覽之後，安排我吃了一頓堪稱平靚正食到飽的韓燒！
位置，是以前很多韓人聚居的Campsie，火車站行往該店不消五分鐘，而且沿途風景美麗。不過同學告訴我，那邊太夜的話治安不太好，要小心。店子叫Se-Jong Korean BBQ Buffet，收費，是廿九元澳幣任食，不限時間。
這是未到餐廳前拍的，嘻嘻。這裡是用炭燒的，所以同學太熟地頭，帶我到店子露天的桌子坐下。那天天氣很好，不過若果真的太冷，外邊的桌子也有暖爐在旁的。
首先，食物選擇多，提供燒烤的食物質素很高，高到是平日在香港要用二百元吃的牛肋條任你食，牛舌豬腩肉羊架通通都有；熱食你都見，樣樣不是行貨，炸蝦大大隻，絕不欺場；沙律選擇亦不少，另外有蔬菜類與泡菜，還有飯－－白飯與韓國人常吃的紅豆飯，甜品與水果！
要勁讚的是，這裡的店員服務無得頂，換那個烤盤頻率高到你會覺得唔好意思，他們認為盤子髒了就要換，希望食客食得快樂。
這是同學教我吃的，很地道的韓式醃蔥，用肉包著吃，勁得！
星期五六日，每位貴兩蚊澳紙，有和牛食！但同學話，一定要訂位！
好，講到呢個越南牛河，乃本人至愛，所以某晚跟當地親戚吃完素之後忍不住，殺了落Chatswood，想吃那間吃不到，走入金牛苑，果然一直沒有令人有希望！不過過幾天，弟弟帶了我去Flemington，那邊有好幾間越南菜館，他們都說是很掂的！
此店店員店主都可以講廣東話，講番正題，以上呢碗火車頭，由第一啖湯放入口已知並不簡單！濃濃的牛骨味道但湯仍然清！河粉絕對不會痴埋一舊舊煮得剛剛好！生牛肉清甜，其餘牛丸牛腩牛筋牛柏葉均屬無得彈之作！最重要，呢碗，大碗成咁，都係九蚊澳洲紙咋！
呢杯崩大碗呢，嗯，就麻麻喇。
由於打風多留一天，當晚，表弟夫婦未去過，於是我們三人又去一次！這天星期天，多！人！到！呢！
牛河介紹過，今次介紹呢個無敵鮮蝦粉卷！你睇，入面除左蝦，仲有肉，仲有米粉，仲有九層塔，好味就唔駛講喇，仲要鮮喎！
今次聰明喇！叫呢個椰青，激讚！真係原個椰青連肉，都係好似4.5澳紙，無話可說啦！
有趣的是，旁邊的若果是外國人，係唔食生牛河，走黎食叻沙，或者，佢地覺得，果樣先至正！
好掛住澳洲好多美食，真係唔講得笑。
沒有留言:
發佈留言