2013年9月16日星期一

在悉尼吃德國菜:Bavarian Bier Cafe

上一次到澳洲是十年前,這次到來目的其實除了太久沒有來之外,重點還是見見出世幾個月的可愛小姪兒。所以,不懂駕車的我,沒有期望可以遊覽很多地方,反而是享受與小天使及弟弟一家相處的時間。當然,我也希望吃好東西的,那就要靠所有親朋了。

到達的第一晚,弟弟一家帶了我去Chatswood,原本希望吃一家馬來業菜,不過客人太多還要待,我們帶著嬰兒當然不可這樣等,所以,他們改了在附近一家德國餐廳吃飯,名字叫Bavarian Bier Cafe



我回來也查過什麼是Bavarian,原來是德國的巴伐利亞人。那,德國菜不是第一次吃,這家感覺如何呢?我可以告訴你們,這一餐,是我吃過最好吃的德國菜。


三個大人可以吃幾多?當然,吃德國菜,少不了喝啤酒的:德國啤酒是也!不如,睇下食左乜好過啦:



German Sausages Mix,呢個無乜特別,但絕對好食,雖然,要成廿六蚊澳洲紙。

此德國咸豬手,首先,炸得皮夠脆內裡依然非常嫩滑,咸香適中,基本上一放入口你就自然想嘩一聲叫出黎,因為太正,乜野膽固醇完全唔記得。都仲未讚佢肥瘦適中,都係果句,叫得呢樣,唔食皮,正傻仔。另外,底下有醃菜,旁邊薯蓉配果個Gravy先係重點,濃濃牛肉味,掂!加埋旁邊蘋果醬,呢個招牌菜,無得彈!

此蕃茄白酒煮青口,重點係,青口入晒味但粒粒都煮得岩岩好地嫩口!量好多,真係有一公斤,好似食極都有;另外一定要將果個熱辣辣既麵包沾上湯汁來食,欲罷不能!我直頭覺得可以用湯汁煮個意粉食,勁正!丫,後面果個Garden Salad,都絕不行貨,蔬菜新鮮,醬汁都好清新!


又唔係所有都讚既,例如呢個甜品,心太軟無流心,雖然朱古力味好濃好香,但旁邊呢個花生牛油雪糕,呵,你由我肥啦,太好食囉!

之後再介紹我食乜好野,呢餐就真係回味無窮喇!

沒有留言:

發佈留言