2013年4月13日星期六

要食得聰明的Buffet@Berliner

在灣仔的Berliner逢星期六日晚有自助餐,這間德國餐廳的食物我都很喜歡,只是只有這間才有自助餐,HK$248一位,而且寫到明有豬手,於是,最近終於吃了。

我吃過的感想是:真材實料沒有欺場,但,請跟多點朋友去,因為一個人去,看見什麼吃什麼,你很快被KO。



裝修好靚,而且仲有Live Band,好唔錯!


沙律與Cold Cut還有Grilled Vegetable,高水準,沒有將價就貨,我覺得呀,水準,好過好多收你三舊水自助餐既酒店!!
蘭度豆湯,足料又好飲!鍾意仲可以食埋麵包!
豬手逐隻切好放出黎,保持脆口。




以上就係熱葷,開始明白我點解話你唔諗/想食就食既結果未?有眼見,德國腸樣樣都有原條上,仲有大大粒蕃茄牛肉球,海鮮寬條麵,紅酒燴鴨腿,其餘就係蔬菜薯蓉紅菜頭酸菜。

我明顯係興奮過度,一開波咁食法,果幾條腸,食完飽左四份三。

再食呢兩碟,加埋另叫杯德國啤,已經無乜位剩,不過。。。
甜品係好得架播!我由於戰鬥力下降,只食左呢幾樣:
草莓慕絲,牛奶布甸,紅酒Jelly,呢三杯,已經拍爛手掌!

所以,叫多幾個朋友一齊食,腸都可以Share,咪可以食得多樣化囉!

絕對足料絕對抵食,只要你,食得醒目少少!

沒有留言:

發佈留言