三十過後一個人住
2013年3月8日星期五
土耳其菜的年初二
踏入蛇年我過了一個充滿地中海風情的年初二!我跟兩名友人沒有去看煙花,反而在尖沙咀諾士佛臺吃了一頓土耳其晚餐。
餐廳叫Merhaba,由走進餐廳到坐下,我被吸引著的不是餐牌,而是被店中的裝修與充滿異國風情的燈飾吸引,彷彿走進阿拉丁童話的感覺。
就算刀叉都靚到爆:
不如談談食物吧!
呢個係烤羊肉串,當晚送既,烤得好Juicy,一點都唔柴,加埋檸檬汁仲有果個帶茄味既汁,呢兩串,唔喉!
土耳其包Pita,加上矮瓜醬,清新味道偏淡。
無記錯呢個係Mint Cigar,入面包住薄荷味乳胳,好特別但又幾好食架播!
石榴特飲,係失望既,因為感覺好Artificial。
呢個沙律呢,好新鮮好爽脆,調味微酸開胃,不過個人較喜歡希臘沙律多少少。
咪睇呢個其貌不揚,其實呢個墨魚汁煮八爪魚及珍珠蔥頭,入味到不得了,而且鮮香,係我未試過既海洋感覺。
烤羊架,比烤羊肉串更精彩,帶微微羶味,我呢種最愛,係要有少少羶味先好食架喇!
呢個烤魚串配飯,烤得剛剛好,調味得宜香口之餘重點係仲食到每樣食材既鮮味,好難得架!
甜品,喜出望外:因為以往印象,土耳其糖果真係甜到爆炸,呢個每件細細件,而且微甜酥脆,牛油香濃,唔錯唔錯!
無花果批配自製雲呢拿雪糕,呢個當然比第一個更好食啦!
點了飯後果茶,重點係,呢個杯,好靚好靚。
咁,呢晚見唔到肚皮舞表演,但以為食唔飽結果出黎又覺得真係剛剛好,土耳其菜俾我印象就係好能帶出食材原味,又唔係真係好貴,不過其實你話好對我胃口咩?咁,又唔係囉。
沒有留言:
發佈留言
較新的文章
較舊的文章
首頁
訂閱:
發佈留言 (Atom)
神不神劇已不重要:《那年盛夏我們綻放如花》
或許因為頭十集我都忙著沒有時間看,然後用了一個周末看畢十集,再跟大家一樣晚晚從App收看足本版。第十四集,看畢那晚,睡不著;大結局,看畢情緒一直處於低壓區,第二天一直聽著幾首劇集有關的歌。 從來喜歡一部電影電視劇或者一首歌都是很個人的口味選擇,技術上的高低當然可以由專業人士點評,...
聽聽內心的聲音:鄧小巧《Inner Voice》
從來第一張唱片都容易帶來驚喜,第二張是更考功夫的。鄧小巧的《The Strength of Weakness》是很有心思有水準的,作為一位我蠻喜歡的本地新生代女聲,樂見他能夠繼續有新作品,而且還是新唱片。 這張《Inner Voice》,主題是溝通,同樣地五首歌都圍繞主題去寫...
淋漓盡致的楊千嬅《火鳥》
由當年那個少女到後來的烈女,我一直聽楊千嬅。對上一張令我聽得拍案叫絕的是金牌告別作 《Unlimited》 ,兜兜轉轉,在人生上踏入另一階段的她,果然為自己推出一張省靚招牌的廣東唱片《火鳥》。 以鳥作主題,歌詞皆從女性角度看愛情看自身,旋律並非有大驚喜,但最最重要的,是她這一次唱...
沒有留言:
發佈留言