三十過後一個人住
2013年3月18日星期一
這叫極限中菜:Bo Innovation
的而且確,飲食口味是很個人的:你覺得好食,我覺得好難食;你覺得好值,我覺得有人請都未必食。口味是這樣,那麼,早幾年興起的份子料理呢?睇介紹睇得多,你話食咩?未試過。不過知道此等東西,為玩而玩,簡單來講,搵黎攪,仲要因為你貪得意搵黎攪,我去食就係俾錢你玩然後我要識欣賞,不過價錢高人一等播。
話說最近有一洋人的工作夥伴請我與同事吃午飯,他一提議這間叫Bo Innovation,我聽都未聽過,即管上網望望。嗯,X-treme Chinese Cuisine,睇完相,相信,應該係一個全新體驗,預左唔飽。
不如先睇睇,呢個擺設有幾高尚先:
嗯,中間圓型果塊係雲石,堅係高貴。
好,呢粒並唔係普通既蝦餃,根據其餐牌介紹,係加左黑松露XO醬,咁食落又係點呢?首先,唔夠熱,皮唔夠薄,蝦可以啦,面頭果舊黑松露XO醬,即咁,我知黑松露乜味架,我入口咬咁耐,我只覺得好咸囉,之後仲極度懷疑,呢度菜,有味精!
呢粒叫炸墨魚丸配泰國青檸汁。呢粒墨丸做得唔錯,彈牙足料,當然唔會咬到墨魚粒,但係好食既;至於個醬,青檸味偏淡,整體可以。
呢個春卷並唔係普通既春卷,而係包住冬筍與雞肉,好清新,味道調得剛剛好,春卷夠脆!好食!
哈,呢個上檯時,侍應先為你淋上Extra Virgin Olive Oil,咁呢粒係乜黎架呢?銀雪魚龍葵球,我與同事事後異口同聲認為,此舊野,味道怪怪,而且亦係另一有味精既Suspect。點解我肯定呢餐有味精?我對味精好敏感,所以呃我唔到的!
無食過相信都唔知呢個主菜係乜,英文係咁既:Slow cooked, Suckling Pig, Chinese Vinegar, Egg。侍應係咁介紹我聽:乳豬手撕成絲再用豬皮包番成一個球然後用八珍甜醋去慢煮,果粒係糖心蛋。好喇,我只有刀叉去食,一邊食我真係有好強烈「多舊魚」既感覺;呢個豬肉波,肉唔嫩,八珍甜醋係好香,不過唔夾囉!無人叫我將隻蛋撈黎食,我用叉高難度整起隻蛋黎食,不外如是囉!
Menu話呢個餐包Starch同甜品,嗯,應該知道以上食品肯定唔飽,於是整碗蟹籽甜椒炒飯過你頂肚。太肚餓喇,實好食架!
收晒所有野,上甜品之前放呢個懶有型既上黎,嗯,見唔見到「廚魔」兩個字?佢都有係廚房出現架,好很榮幸囉!
甜品應該係呢餐最好架喇:杏仁雪糕好香好滑,充滿濃濃杏仁香;macaroon就硬左少少,不過整體唔錯,又靚啦咁。
以上,一個餐,HK$288加一,唔知一邊食一邊斟果支好很貴礦泉水幾錢,不過都係果句,呢個價錢,我真係可以食好好多,而唔係攪成咁囉。
沒有留言:
發佈留言
較新的文章
較舊的文章
首頁
訂閱:
發佈留言 (Atom)
神不神劇已不重要:《那年盛夏我們綻放如花》
或許因為頭十集我都忙著沒有時間看,然後用了一個周末看畢十集,再跟大家一樣晚晚從App收看足本版。第十四集,看畢那晚,睡不著;大結局,看畢情緒一直處於低壓區,第二天一直聽著幾首劇集有關的歌。 從來喜歡一部電影電視劇或者一首歌都是很個人的口味選擇,技術上的高低當然可以由專業人士點評,...
聽聽內心的聲音:鄧小巧《Inner Voice》
從來第一張唱片都容易帶來驚喜,第二張是更考功夫的。鄧小巧的《The Strength of Weakness》是很有心思有水準的,作為一位我蠻喜歡的本地新生代女聲,樂見他能夠繼續有新作品,而且還是新唱片。 這張《Inner Voice》,主題是溝通,同樣地五首歌都圍繞主題去寫...
淋漓盡致的楊千嬅《火鳥》
由當年那個少女到後來的烈女,我一直聽楊千嬅。對上一張令我聽得拍案叫絕的是金牌告別作 《Unlimited》 ,兜兜轉轉,在人生上踏入另一階段的她,果然為自己推出一張省靚招牌的廣東唱片《火鳥》。 以鳥作主題,歌詞皆從女性角度看愛情看自身,旋律並非有大驚喜,但最最重要的,是她這一次唱...
沒有留言:
發佈留言