2011年12月12日星期一

我的泰初行之就係食(一)

對於一個都非常得泰菜如我的人,有機會去泰國,主要最想食都應該乃泰國菜.不過由於是次並非旅遊而是工幹,有些東西真的不敢亂吃,以免到時有乜唔妥不能上班去就大件事.再加上很多人千叮萬囑,水源可能不潔,勿亂在街上吃東西.

不過這幾天發現的是:我盡量吃的都是泰菜,但吃來吃去都是那幾樣.不如先介紹酒店這個已經吃了五天的早餐吧!



酒店房如此,早餐當然自助!基本上陣容係咁:麵包類有好幾款,亦可以自行弄多士,另外每日一定有pancake/french toasts/格仔餅其中兩樣;熱食,唔知係咪泰國興,每朝一定有炒飯,另外有兩味平日應該食晏或者晚些先見既,當然所以腸腿煙肉通通不缺,還有廚師即製炒蛋奄列或其他如太陽蛋;點心都有,一定係蝦餃燒買仲有包,其他仲有Cold Cuts,三款果汁,蔬果不能少.係咁貼幾張我呢幾日食過乜:



無錯,日日咁食法開始已經悶,雖然有變化(例如樓上呢碗好綿但真係好咸既咸雞粥),不過真係越食越少喇!

鑑於唔敢亂係街食野,各大商場Food Court就係我既好朋友喇!已經係附近Emporium食左兩餐,睇睇:


原先只係點左樓上既冬蔭功豬頸肉蟹肉麵與及雜莓沙冰,後來食食下發現有我至愛肉碎飯,咁,就食左咁多.加埋都係二百泰銖左右!仲要好食播!呢度既冬蔭功幾間都唔同味道,但就唔會係死辣果隻,總之,好飲啦!

另一日係呢個場食左貴少少既,一碗用西冷牛黎整既泰式生牛河:



大碗,好鮮味,湯底正,加左酸辣汁之後好勁,但無可能唔食晒;以上係龍眼茶,泰國餐館大部份都唔提供水,要飲,係要叫既.

就貼住咁多先,遲下再講.

沒有留言:

發佈留言