2011年11月10日星期四

不對辦的富記

好與不好是很主觀的:所以,有時也會應朋友們的要求去不同的食肆吃飯。這次,這個朋友建議去旺角的富記,在瓊華中心的一間聽聞幾出名的,而朋友告訴我,上次還等不到位。

結果那晚,同樣是星期四晚,八時前到達,不用等位直入坐下。點了一個套餐,有好幾道聲稱是出名的菜式:



冰鎮芥蘭,本人其實一直怕芥蘭的澀味,不過這個加上wasabi豉油味道是可以的,問題是:你切到條條咁大條,好難攪,都唔知點點豉油好,咬都難咬。

這是本店招牌菜法式片皮雞:是這樣的,下面是法包,中間是鵝肝,上面是炸子雞。首先,上檯熱度不足,扣分;這配搭幾好食既,但鵝肝唔夠香口,總之,係膽固醇高食物,唔夠好食就唔抵啦。
前兩味都合格,呢道菜真係不知所謂:砵酒焗桶蠔。首先,個汁都唔知佢想點,甜唔甜咸唔咸,蠔係大隻,不過無乜味,唯一可取就係炸漿夠薄。
木瓜雞燉翅,預計之內的味道,不錯不錯。
籠仔蒸飯,上面有好多蒜蓉,香口的,不過蝦蒸得久了點,而且,幾肥膩。

以上為套餐食物,我們另外點了這個:脆皮肘子。
上檯很大期望,見外皮煎得很吸引,怎料放進口,沒有什麼咸味。問經理,他表示來貨是什麼味道他們沒有辦法,但,的確無乜味,失敗。

以上所有結果要四百多元,我覺得貴又唔好食,所以,不會再去。


沒有留言:

發佈留言