2011年10月26日星期三

小曼谷仍然精彩

當大家不能去泰國之時,對泰菜的愛又不能停下來吧!很久沒有到九龍城的小曼谷了,早陣子再訪,原來已經多了一間舖,原來舖外的電視不斷播著電視節目的訪問片段,原來一樣咁多人。

等了三十分鐘,終於被安排坐於細舖那邊--這更好,因為舖子較細,而且比大舖靜得多,又沒有人在那邊炮製串燒,油煙都較少!


看看吃了什麼吧!這應該是你們最關心的:
永遠好味的泰式生蝦刺身:夠新鮮,而且爽甜,量多,那個醬汁更是乖乖不得了,必食必食!
人少少最好就點呢個泰式細拚盤,樣樣都有:蝦餅與魚餅最正,荷葉包雞不俗,春卷則普通。
冬蔭功與呢個泰式酸辣雞湯有乜分別?有,就係價錢平幾十,後者無海鮮。味道一流,而且量夠多,的確抵食!
馬拉盞炒通菜,勝在唔算油膩,而且多蝦干。
呢個泰式肉碎沙律喪辣!但食唔停口,因為調味剛剛好!
當然唔少得串燒啦!最愛都係牛,無得講!
最後出場係泰式炒飯,又係越食越辣。無錯,以上咁多,兩個人邊食得晒!所以係有打包番屋企,但真係得囉!都仲未介紹呢杯必點沙冰!
透心涼啊!

下次搵定一大班人去食過!
<

沒有留言:

發佈留言