2010年11月11日星期四

把鬼的潮庭

近年好多食肆銳意執靚裝修,餐具用到靚一靚,然後賣傳統中菜,再在食物擺設花點心思,就可以借屍還魂收貴一點。今次介紹原於太古城四期的潮江春,在同一集團大執之後改名為潮庭,同樣賣潮州菜。

由於是公司同事的聚餐,錢不用付只用去食,所以即管睇睇好唔好食。




此等色調老人家一定大叫大吉利是,但依家係中菜館出現播!


蝦棗海蜇鵝片與豆腐,為之潮式四寶,我想問海蜇頭好似唔關事,蝦棗可以,鵝片普通,其實最落本都係中間果個壽星公囉。


呢個翅好食架,高湯夠金華火腿味,又唔會稀到飛起。


呢個好奇:清炒蝦仁好似唔係潮州菜,但炒得麻麻,整到懶靚,把鬼。

呢個名堂勁,茶樹菇桂花魚,著實味道唔錯,但賣相得人驚又係事實。




以上兩味完全唔係潮州菜囉!


嘩,呢個蠔餅可算係衰到不能!難食至極!


兩麵王,我諗,我又要去尚興喇。

又唔係無野讚既!以下幾款甜品都可以既:



紅棗糕,好香好煙靭。


呢個水晶包,算吧啦!


呢個咖啡糕又靚又好食,真既,真係好食。


桂花圓肉果凍,好食既,清甜,但都食水好深。

其實我地仲食左幾個點心,整體水準麻麻。

各位,要搵食的話,呢間可以唔駛考慮喇。

沒有留言:

發佈留言